Rokfellerlerdiń aqshasyn basqarýshy óz mashınasynda óli kúıinde tabyldy
ASTANA. Qyrkúıektiń 16-sy. QazAqparat - Ataqty amerıkandyq otbasynyń orasan úlken baılyǵyn bıleýshi «Rockefeller & Co» ınvestıtsııalyq kompanııasynyń prezıdenti Djeıms Makdonald óz avtomobılinde óli kúıinde tabyldy,
dep habarlaıdy QazAqparat RBK saıtyna silteme jasap.
Mashına Bostonnan 50 mıl qashyqtyqtaǵy Dartmýt qalasyndaǵy saýda ortalyǵynyń janynda turǵan. Kelip jetken sarapshylardyń anyqtaýynsha, qarjyger atylǵan oqtan alǵan jaraqattan mert bolǵan. D.Makdonald ózin-ózi óltirgen bolýy múmkin degen joramal aıtylýda.
Marqumnyń otbasy túsinikteme berýden bas tartyp otyr. D.Makdonald qaza bolar aldynda birneshe saǵat buryn óziniń zaıybyna telefon soqqan, alaıda polıtsııa olardyń áńgimeleri týraly habarlamaı otyr.
