Rodjer Federerdiń zaıyby dúnıege ekinshi ret egiz bala ákeldi
ASTANA. QazAqparat - «Úlken dýlyǵa» týrnırleriniń 17 dúrkin jeńimpazy, shveıtsarııalyq tennısshi Rodjer Federer tórt balanyń ákesi atandy.
32 jastaǵy sportshynyń zaıyby Mıroslava egiz balany dúnıege ákeldi. Olarǵa Leo jáne Lennı esimderi berildi.
Rodjer men Mıroslava otbasynda egiz qyzdardy tárbıelep otyrǵanyn eske sala keteıik. Jazda Maıla Roýz ben Sharlın Rıva bes jasqa tolady.
R.Federer otbasyndaǵy osy qýanyshty oqıǵaǵa baılanysty Madrıdtegi iri týrnırge qatysýdan bas tartqan bolatyn. Endi ataqty sportshynyń Rımdegi halyqaralyq týrnırge qatysý- qatyspaýy belgisiz bolyp otyr. Qazir ATR reıtıngisinde Rodjer Federer tórtinshi orynda.
