Rodjer Federer - shveıtsarııalyq monetada kózi tirisinde beınesi salynǵan alǵashqy adam
NUR-SULTAN. QazAqparat – Shveıtsarııalyq tennısshi Rodjer Federer kózi tirisinde osy eldiń Moneta saraıynyń shaqasynda beınesi salynǵan alǵashqy adam boldy. Bul týraly shveıtsarııalyq Blick basylymy habarlady.
38 jastaǵy sportshynyń beınesi merekelik nomınaly 20 franktik kúmis monetaǵa paıdalanylǵan. Bul tıyn 2020 jyly qańtar aıynda resmı shyǵarylady.
Moneta saraıy 55 myń shaqa shyǵarmaq, eger suranys joǵary bolsa, taǵy 40 myńyn shyǵarý josparlanyp otyr. Al mamyrda Federer beınelenetin nomınaly 50 franktyq merekelik altyn moneta da aınalymǵa jiberiledi.
«Shveıtsarııaǵa jáne Moneta saraıyna maǵan degen adam senbestik qamqorlyq jasaǵany úshin alǵys aıtamyn»,- dep jazdy Federer Twitter-de.
Aıta keter bolsaq, Rodjer Kásibı tennısshiler qaýymdastyǵynyń tiziminde úshinshi bolyp tur jáne uıym aıasyndaǵy 103 týrnırde utqan. Sondaı-aq Úlken dýlyǵa básekesinde 20 ret jeńimpaz atanyp rekordtyq kórsetkishke qol jetkizdi. Ol alty ret Avstralııanyń ashyq chempıonatynda, bir ret Frantsııanyń ashyq chempıonatynda jeńiske jetti. Buǵan qosa Ýımbldonnyń –segiz. AQSh Ashyq chempıonatynyń bes ret jeńimpazy. Ol juptyq synda 2008 jylǵy Olımpıadada chempıony atandy.
