Rodrı Messıdiń ornyn basyp, 2026 jylǵy álem chempıonatynyń úzdik oıynshysy atandy
ASTANA. KAZINFORM – Ispanııa quramasynyń jartylaı qorǵaýshysy ári kapıtany Rodrı Halyqaralyq fýtbol federatsııasynyń (FIFA) sheshimimen 2026 jylǵy fýtboldan álem chempıonatynyń úzdik oıynshysy atandy, dep habarlaıdy Kazinform tilshisi.
Álem chempıonatynyń fınalynda Ispanııa quramasy qosymsha ýaqytta Argentınany 1:0 esebimen jeńip, óz tarıhynda ekinshi ret álem chempıony atandy.
Rodrı týrnır barysynda ulttyq qurama sapyndaǵy segiz matchtyń barlyǵyna qatysty. Ol gol soqpaǵanymen ári nátıjeli pas bermegenimen, búkil chempıonatta nebári bir ǵana gol jibergen Ispanııa quramasynyń tabysyna zor úles qosty.
2026 jylǵy álem chempıonaty 11 maýsym men 19 shilde aralyǵynda AQSh, Kanada jáne Meksıkada ótti. Týrnır bastalar aldyndaǵy álem chempıony 2022 jylǵy dúnıejúzilik birinshiliktiń jeńimpazy Argentına quramasy edi.
Buǵan deıin Paý Kýbarsı 2026 jylǵy álem chempıonatynyń úzdik jas oıynshysy atanǵany habarlanǵan bolatyn.
Aıta keteıik, Kılıan Mbappe álem chempıonatynyń úzdik surmergeni atandy.
