«Rodına» sút zaýytynyń basshysy aldamaǵanyn aıtyp, aqtaldy
ASTANA. QazAqparat - «Rodına» JShS bas dırektory Ivan Saýer tutynýshylar aldynda ónimniń durystyǵyna senimdiligin kórsetý úshin jalǵandyq detektorynan ótken. Bul týraly búgin OKQ-da ótken brıfıngte ózi málimdedi.
Onyń bulaı dep aıtýynyń negizgi sebebi, jaqynda dúken sórelerinen «Rodına» agrofırmasynyń ónimderi arasynan aldyn ala datamen shyqqan sút taýary tabylǵan bolatyn. «Bolashaqtan kelgen sút» degen taqyrypta daý týǵyzǵan másele boıynsha jýrnalıster odan túsinik berýdi surady. I. Saýerdiń aıtýynsha, bul zaýyttyń tehnıkalyq qateliginen bolǵan.
«Mundaı jaǵdaı jańa zaýyttyń ashylýy kezinde tolyqtaı jańa avtomatıkadan qate ketti. Biraq bar-joǵy 600 lıtr sútte ǵana, ıaǵnı bir partııada ǵana osyndaı qatelik boldy», - dedi I. Saýer.
Bul túsinispeýshilikke bálendeı nazar aýdarýdyń qajeti joq ekenin aıtady ol. «Zaýyttyń aty - zaýyt. Baǵdarlamany qosqan kúni atap bolyp, elektr óship qaldy. Osylaısha baǵdarlamada qatelik týdy. Ondaı jaǵdaılar bolyp turady», - dep atap ótti I. Saýer.
