«Roden» baleti Almatyda alǵash ret qoıylady
ASTANA. QazAqparat - Psıhologııalyq balettiń sheberi - Borıs Eıfman 10 aqpanda, Almatyda «Roden» baletiniń tusaýkeserin kópshilik nazaryna usynady.
Basty partııalardy Áıgerim Beketaeva, Jánibek Imanqulov jáne Ánel Rústemova syndy «Astana Opera» baletiniń jetekshi ánshileri oryndaıdy.
Balet ataqty músinshi Ogıýst Rodenniń shákirti Kamılla Klodeldiń psıhıatrııalyq aýrýhanada jatqan kórinisinen bastalady. Jas ári talantty Kamıllanyń mańdaıyna mahabbat úshburyshyna tap bolý jazylypty, onyń taǵdyry men mahabbatynyń tragedııasy da osynda. Qushtarlyq, óshpendilik, qyzǵanysh, kásipte joly bolmaý - jas qyzdyń saǵyn syndyryp, nátıjesinde onyń ómiri esi aýysqandardyń aýrýhanasynan biraq shyǵaratyn jazǵyzdyqpen qaıǵyly aıaqtalady. Roden bolsa shyǵarmashylyǵy úshin Jer betindegi basty nárseler - mahabbat, adam baqyty, densaýlyq, jan tynyshtyǵyn qurban etedi.
Aıta ketken jón, Roden men Klodeldiń qolynan shyqqan jaýharlar ondaǵan jyldar boıy mıllıondaǵan adamdy tań qaldyrýmen keledi. Alaıda bulardyń sahna syrtyndaǵy jeke ómirleri qandaı qaıǵyǵa toly bolǵany jaıly ekiniń biri oılana da bermes.
Balettiń bastalýy 19:00-de, al bılettiń baǵasy 1 500-5 000 teńge aralyǵynda.
