Robottar «Fýkýsıma-1» stansasyn zertteýge kiristi
ASTANA. 19 sáýir. QazAqparat - Japondyq mamandar «Fýkýsıma-1» atom-elektr stansasyndaǵy apattyń saldaryn joıý barysynda robottardyń kómegine júginip otyr, dep habarlaıdy «Azattyq» radıosy.
Shynjyr tabandy qultemirler stansanyń birinshi jáne úshinshi reaktorlarynan radıatsııalyq synamalar aldy. Radıomen basqarylatyn robottar apatqa ushyraǵan energobloktarǵa jeksenbi, 17 sáýir kúni alǵash ret kirdi. Atap aıtqanda, olar №1 jáne №3 reaktorlardyń birinshi qabattarynda bolyp, radıatsııanyń mólsherin ólshedi. Birinshi reaktordaǵy radıatsııalyq fon 10- 49 mıllızıvert/saǵatty qurasa, úshinshi bloktaǵy radıatsııalyq kórsetkish- 28-57 mıllızıvert/saǵatty quraǵan.
