Robototehnıka boıynsha álem chempıonatynyń júldegeri Stanford ýnıversıtetiniń grantyn ıelendi
ASTANA. KAZINFORM – Qazaqstandyq oqýshy Álıhan Serikov robototehnıka boıynsha álem chempıonatynyń júldegeri retinde Stanford ýnıversıtetiniń Restrictive Early Action erte irikteý baǵdarlamasy boıynsha tolyq qarjylyq grantyn ıelendi. Bul týraly Oqý-aǵartý mınıstrligi habarlady.
Stanford ýnıversıteti álemdegi eń bedeldi joǵary oqý oryndarynyń biri sanalady. Munda qabyldaý deńgeıi shamamen 3,6%-dy quraıdy, al sheteldik talapkerler úshin bul kórsetkish odan da tómen bolady.
Álıhan Serikov FIRST jarystaryna qatysyp, bastapqy deńgeıdegi FIRST LEGO League kezeńinen bastap joǵary deńgeıdegi FIRST Tech Challenge sanatyna deıin jetti. Onyń komandasy Ortalyq Azııa aımaqtyq chempıonatynda jeńiske jetip, Hıýston qalasynda ótken álemdik kezeńge joldama aldy. Álem chempıonatynyń qorytyndysy boıynsha komanda ınjenerııa, dızaın, prezentatsııa jáne qoǵammen jumys baǵyttary boıynsha beriletin Inspire Award syılyǵynyń 3-ornyn ıelendi.
Stanford ýnıversıtetinde Álıhan Management Science & Engineering mamandyǵy boıynsha bilim alýdy josparlap otyr. Bul baǵdarlama tehnologııalar, derekterdi taldaý jáne basqarý salalaryn biriktiretin pánaralyq baǵyt sanalady.
Eske salsaq, budan buryn Astanada «Ana tili» olımpıadasynyń jeńimpazdary anyqtalyp, 14 oqýshyǵa JOO granty berilgenin habalaǵanbyz.
