Robot-jýrnalıst maqalany bir sekýndta jazdy
ASTANA. QazAqparat - Qytaıdyń robot-jýrnalısi Sıao Nan alǵashqy maqalasyn Southern Metropolis Daily gazetine jarııalady. 300 ıeroglıftan turatyn maqalany jazýǵa robot bir sekýndyn jumsady. Jazba qytaıdyń Jańa jyly kezindegi jolaýshylar leginiń artatynyna qatysty.
Robotty jasaýshy Beıjiń ýnıversıteti komandasynyń basshysynyń aıtýynsha, Sıao Nan shaǵyn habarlama ǵana emes kólemdi maqala jazýǵa da qabiletti eken. Onyń eń basty utatyn tusy - málimetterdi jyldam qoryta alady, ári mátin terip ýaqytyn joǵaltpaıdy. Alaıda ázirge robot jýrnalısterdi almastyra almaıdy.
Óıtkeni aqyldy mashına suhbat ala almaıdy, sondaı-aq taqyrypqa qatysty suraqtar qoıa almaıdy, dep habarlaıdy Ecns.cn. Alaıda jobany jasaýshylar bolashaqta tilshilerge arnalǵan kómekshi robottardyń paıda bolatynyna senimdi.
