Robot tehnıkasy Qazaqstan mektepterinde mindetti pánderdiń biri bolýy múmkin
QARAǴANDY. QazAqparat - Qaraǵandyda QR Bilim jáne ǵylym mınıstri Erlan Saǵadıevtiń qatysýymen RoboLand halyqaralyq robottehnıka festıvali ótti, dep habarlaıdy «QazAqparat» HAA tilshisi.
Qaraǵandy oblystyq ákimdiginiń baspasóz qyzmeti habarlaǵandaı, qatysýshylar 24 nomınatsııa boıynsha baq synasqan. Festıvalǵa 800 baladan quralǵan 400 komanda qatysty. Baǵdarlamada labırıntter, mehanıkalyq jáne ıntellektýaldyq sýmo jarysy, kegelrıng jáne robottarǵa arnalǵan fýtbol, 3-D-prototıpteý, kvadrokopterlardy basqarý jáne t.b. boldy.
Qazylar alqasyna WRO halyqaralyq synybynyń sýdıasy, Sankt-Peterbýrg aqparattyq tehnologııalar, mehanıka jáne optıka ulttyq zertteý ýnıversıtetiniń muǵalimi Aleksandr Kapıtonov basshylyq etti.
«Festıvaldiń ashylýyna bilim jáne ǵylym mınıstri Erlan Saǵadıev keldi. Vedomstvo basshysy Qaraǵandy oblysyndaǵy robottehnıkasy deńgeıiniń jaqsy damyǵanyn atap ótti. Onyń aıtýynsha, bolashaqta bul sala mektep baǵdarlamasyna engizilip, mindetti pánderdiń birine aınalýy múmkin. Mınıstrlikte qazir bul másele zerttelýde», - dep atap ótti ákimdiktiń baspasóz qyzmeti.
Mınıstr atap ótkendeı, mektepterge robot tehnıkasyn engizý - negizgi mindetterdiń biri. «Biz álemniń basqa elderinen qalyp ketpeý kerekpiz. 2016 jyly jergilikti bıýdjettiń qarjylandyrýy men demeýshilik qoldaýdyń arqasynda 400 synyptyq-keshendik robot tehnıkasyn satyp aldyq. 20 myń bala qosymsha sabaq aldy. Bıyl oqýshylar sanyn eki ese arttyrýdy josparlap otyrmyz», - dep keltiredi Erlan Saǵadıevtiń sózin baspasóz qyzmeti.
Qaraǵandylyqtar festıvalǵa arnap elimizdiń kartasy keskininde RoboLand Qazaqstan biregeı polıgonyn jasady. Polıgondy jasaýǵa jarty jyl ýaqyt ketken. Іs-sharanyń basty maqsaty - robottehnıkasyna degen qyzyǵýshylyqty arttyrý.
