Robot suńqar áýejaı mańyndaǵy qustardy qýatyn boldy
ASTANA. QazAqparat - Kanadadaǵy halyqaralyq Edmonton áýejaıy jaz kezinde Robird robot suńqardyń kómegimen áýe kemeleriniń ushyp-qonýyna kedergi keltiretin qustardy qýýdy bastaıdy. Bul týraly Edmonton Sun habarlady.
Robird - syrtqy kelbeti suńqarǵa uqsaıtyn qashyqtan basqarylatyn qurylǵy. Temir qusty Nıderlandııada Tvente ýnıversıtetiniń ǵalymdary ázirledi, al kommertsııalyq nusqasyn lear Flight Solutions kompanııasy shyǵarady. Robird aýyl sharýashylyǵynda (qarajıdek baǵynan qustardy qýý úshin) paıdalanylyp júr. Ol Germanııada Dıýsseldorf áýejaıynda synaqtan sátti ótti.
Salmaǵy 750 gramm Robird saǵatyna 70 shaqyrym jyldamdyqpen usha alady. Qýatty 12 mınýtqa jetedi. Áýejaıdyń tabıǵat mamanynyń aıtýynsha, bul ushaq ushar nemese qonar kezde qustardy qýyp úlgerýge jetkilikti.
Edmonton áýejaıynda qazir osy maqsatqa lazerler men dybysty qurylǵylardy qoldanýda, alaıda qustar mundaıǵa úırenip alatyn kórinedi.
