Robot-súńgýir qaıyq ózenderdi qoqystan tazartyp jatyr
ASTANA. 15 qazan. QazAqparat - AQSh-ta »Rozalııa» jobasy kúsh alyp keledi. Onyń maqsaty - robottalǵan súńgýir qaıyqtardyń kómegimen iri ózenderdi tazartý.
«Árıne, bizdiń shaǵyn qaıyqtar ózenniń bar qoqysyn tazarta almaıdy, degenmen beınekameranyń kómegimen turǵyndardy ózen túbinde ne jatqanyn, ondaǵy ómir súrip jatqan tirshilik ıeleri jaıly habardar etpekpiz. Bul jurtshylyq tarapynan qyzyǵýshylyq týǵyzady degen senimdemiz», -deıdi jobanyń úılestirýshisi Reıchel Mıller.
Osy aptada arnaıy kótergishi bar robot-súńgýir qaıyq Chıkagoda jumys isteýde. Syrtqa shyǵarylǵan qaldyqtardyń basym bóligi syra qalbyrpary men aý quraldary bolyp otyr. Bir qyzyǵy, baǵaly zattar da kezdesip qalady. Olardyń arasynda 1800 jylǵy spırt quıylǵan qumyra, AQSh-tyń áskerı korabliniń ıakory bar.
