Robot sot oryndaýshylary 1,2 mıllıard teńgeden astam qarjyny únemdedi

ASTANA. KAZINFORM – Elimizde robot sot oryndaýshysy arqyly óndirip alý somasy 20-dan 40 AEK-ke deıin ulǵaıady. Bul týraly Ádilet mınıstrliginiń resmı ókili Talǵat Ýálı málim etti.

- «Robot sot oryndaýshy» jobasy ótken jyly iske qosyldy. Áleýmettik jobanyń maqsaty – azamattarǵa túsetin qarjylyq júktemeni azaıtý. Buryn boryshker jeke sot oryndaýshysynyń qyzmeti úshin qaryz somasynyń 25%-na deıin komıssııa tólese, endi protsesti avtomattandyrýdyń arqasynda bul shyǵyn alynyp tastaldy. Máselen, sot oryndaýshysy roboty iske qosylǵan sátten bastap azamattar 1,2 mıllıard teńgeden astam aqsha únemdedi, - dedi Talǵat Ýálı ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, búginde robot arqyly óndirip alý somasyn 20-dan 40 AEK-ke deıin ulǵaıtý jospary bar.

- Bul azamattardyń qarajatyn únemdeýge múmkindik beredi. Qazir tıisti túzetýler Qazaqstan Respýblıkasy Parlamentiniń qaraýynda jatyr,- deıdi resmı ókil.

Eske salaıyq, byltyr Qazaqstanda robot sot oryndaýshy iske qosyldy.