Robot «nemereler» qarttardyń jalǵyzdyqtan arylýyna kómektesedi
ASTANA. KAZINFORM — Ońtústik Koreıanyń Hyodol startapy jasaǵan osyndaı attas súıkimdi robot egde jastaǵy adamdarǵa jalǵyzdyqty jeńýge kómektesedi, dep habarlaıdy restofworld.org.
Qart adamdar aralasa alatyn bul súıkimdi shúberek qýyrshaq Hyodol ChatGPT tehnologııasyna negizdelgen chat-botty paıdalanyp, óziniń kóńildi daýysymen sóılesip, qarttarǵa dári qabyldaýdy nemese tamaqtanýdy eskertedi.
Ol óziniń «atasyn» nemese «ájesin» baqylap, áleýmettik qyzmetkerler men otbasy múshelerine tótenshe jaǵdaılar týraly eskertedi.
Mysaly, robot 24 saǵat boıy qarttardyń qozǵalysyn baıqamasa, bul týraly habarlaıdy. Sondaı-aq qýyrshaqtar ıelerinen olardyń hal-jaǵdaıyn, aýyryp turǵan joq pa nemese kóńil-kúıiniń qandaı ekenin únemi suraıdy.
12 000-nan astam robottar jalǵyzbasty qarttardyń úılerine ornalastyryldy jáne olar osy «nemerelerimen» ýaqyt ótkizgendi unatady. Kóptegen áleýmettik qyzmetker men psıhologtar qarttardyń jalǵyzdyqtan qorqatynyn jáne Hyodol robot-qýyrshaǵy bul qorqynyshty sátti jeńetinin aıtady.
Eske sala keteıik, Japonııada 60 jastan asqan ájelerdi «jalǵa alý» qyzmeti tanymal bolyp keledi.