Robot matematıkadan ulttyq emtıhan tapsyrady
ASTANA. QazAqparat - Qytaıda 7 maýsymda AI-MATHS roboty basqa talapkerlermen qatar, matematıka kolledjine túsý emtıhanyn tapsyryp kórmekshi, dep habarlaıdy China Daily .
Robotty 2015 jyly jasap, keıin jetildirip kele jatqan AI Chengdu Zhunxingyunxue Technology kompanııasynyń málimdeýinshe, ol 10 myńǵa jýyq matematıkalyq tapsyrmalardy sheship úırengen.
Naýryz aıynda ol matematıkalyq testke qatysyp 150-den 93 ball jınaǵan. Al, oqýshylar jınaǵan baldyń ortasha kórsetkishi - 106. Qurastyrýshylardyń aıtýynsha, robot «ınvestıtsııalar» syndy termınder kezdesetin keı tapsyrmalardy durys túsinbegen. Degenmen, olar AI-MATHS bul joly 110 ball jınaıdy dep kútýde.
Qytaıdaǵy Ǵylym jáne tehnologııa mınıstrliginiń josparyna sáıkes, 2020 jylǵa qaraı elde álemniń kez kelgen ýnıversıtetine emtıhan tapsyra alatyn robottar qurastyrylýy tıis.
