Robot qurastyrýǵa muǵalimder de úıretile bastady
ÓSKEMEN. QazAqparat - Óskemende Máskeýden kelgen halyqaralyq deńgeıdegi bes trener ınformatıka pániniń muǵalimderine robototehnıka kýrsyn ótkizip jatyr, dep habarlaıdy QazAqparat altaynews.kz saıtyna silteme jasap.
LEGO Education Russia&CIS kompanııasynyń jetekshi menedjeri Andreı Lopýhın, Reseı Robototehnıka qaýymdastyǵynyń prezıdenti Maksım Vasılev jáne basqa da trenerler oblystyń 272 ustazyna robototehnıka pániniń bilim negizderi men jobalardy úlgileý, robot qurastyrý, baǵdarlamalaý baǵyttaryn úıretýde.
«Shyǵys» óńirlik ortalyǵynyń basshysy Muńlyq Asanovanyń aıtýynsha, alty kún boıy ótetin kýrsqa óńirimizdegi tolyq jıyntyqty mektepterdiń muǵalimderi qatysyp otyr.
Aıta ketsek, byltyr oblys ákimi Danıal Ahmetovtyń bastamasymen ótken «Meniń mektebim» jobasy aıasynda «Paryz» qoryna demeýshilerdiń kómegimen qomaqty qarajat jınalyp, sonyń nátıjesinde qaladaǵy ǵana emes, aýyldardaǵy mektepterde de robototehnıka kabınetteri ashylyp, qajetti jıhazdarmen, qural-jabdyqtarmen qamtylǵan edi. Aldaǵy qyrkúıekten bastap oqýshylar osy kabınetterdiń ıgiligin kóretin bolady.
