Robot alǵash ret ót qabyna ota jasady
ASTANA. QazAqparat - Robot-hırýrg daVinci Surgery Robot alǵash ret ót qabyna ota jasap, sátti aıaqtady. Ol adamnyń qatysýynsyz patsıenttiń ót qabyn alyp tastady, dep jazady sheteldik BAQ.
Robottyń 3D-sholýmen jáne basqarý panelimen jaraqtandyrylǵan, sondaı-aq «qoldary» ıkemdi. Eger ota durys jasalmaı jatsa, onda dáriger basqarý paneliniń kómegimen basqarýdy óz qolyna ala alady. Ót qaby alynǵan emdelýshiniń aty-jóni belgisiz. Dárigerler naýqasqa hırýrgııalyq operatsııanyń qalaı jasalatynyn túsindirgennen keıin ǵana, ol kelisimin bergen. Ota kezinde oılamaǵan jaǵdaı bolyp qalsa, jumysty jalǵastyrý úshin robot dáriger-hırýrgtyń tikeleı baqylaýynda boldy. Alaıda operatsııa kezinde onyń kómegi qajet bolmady. Bundaı robottyń quny 4,9 mln dollardy qurap otyr.
