Robın van Persı Anglııadaǵy eń úzdik oıynshy atandy
ASTANA. 24 sáýir. QazAqparat - Anglııanyń Kásibı fýtbol assotsıatsııasynyń (PFA) pikirinshe, jyldyń eń úzdik oıynshysy bolyp londondyq «Arsenal» fýtbol klýbynyń shabýylshysy Robın van Persı tanyldy.
28 jastaǵy gollandııalyq sportshy 35 oıynda 27 gol soqqan eken.
The Guardian basylymynyń jazýynsha, van Persı bul jetistikke komandadaǵy áriptesteriniń arqasynda qol jetkizgenin málimdegen. Solardyń ishinde fýtbolshy nátıjesi 12 gol soǵýǵa ákelgen jartylaı qorǵaýshy Teo Ýolkottyń oıyn órnegin erekshe atap ótipti.
Osylaısha, Anglııanyń 2011-2012 jylǵy maýsymdyq chempıonatynda gollandııalyq fýtbolshy úzdik shabýylshy atandy.
Esterińizge sala keteıik, PFA nusqasy boıynsha «Jyldyń úzdik oıynshysy» júldesi 1973 jyldan bastap jyl saıyn beriledi. Marapat ıegeri fýtbolshylardyń daýys berýi arqyly anyqtalady. Van Persı bul syılyqqa alǵash ret qol jetkizip otyr. Atalmysh syılyqtyń sońǵy ıegeri londondyq «Tottenhemniń» jartylaı qorǵaýshysy Garet Beıl bolǵan edi
