Robın Ýılıamstiń sheshimi durys bolmady, ondaı oıdan qashyńyzdar - Irlandııa ánshisi
ASTANA. QazAqparat - Irlandııa ánshisi Shıneıd O'Konnor Robın Ýılıamstiń ózine qol jumsaýy durys emestigi týraly óleń jazdy. Munysymen ol akterdiń fanattaryn da ondaı sýyq oıdan saqtandyrǵysy kelgen, dep jazady Rosbalt.
Jańa óleńin ol Londonda osy aptada ótken keshinde aıtyp berdi. «8 naqty dálel» dep atalatyn óleńinde ánshi óz basynan ótken sýıtsıd týraly, soǵan ıtermelegen oılaryn jáne ondaı sezimge ilespeı, ózin ózi toqtatqanyn jazǵan. Jáne tyńdarmanǵa da durystap oılanyp, ondaı sheshimge barmaý kerektigin aıtty.
Jańa ánin oryndar aldynda: «Robın Ýlıams tańdaǵan sheshim - óte qate. Bul tipti durys emes. Men búgingi ánimdi sondaı oı keship júrgen jandarǵa arnaımyn. Meniń aıtarym, durystap oılanyńyzdar, ondaı qadamǵa barmańyzdar!», - degen ol.
Eske sala keteıik, 12 tamyz kúni akter Robın Ýılıams ózine qol salyp, qaıtys boldy.
