Robın Ýılıams óler aldynda 4 fılmniń jumysyn aıaqtap ketken
ASTANA. QazAqparat - Keshe tanymal komedııa ártisi Robın Ýılıams 64 jasqa qaraǵan shaǵynda ómirden ozdy. Búgin Kalıfornııa shtatynyń sherıfteri onyń ózine qol jumsaǵanyn rastady.
Ártis buǵan deıin 4 fılmge qatysty jumystaryn aıaqtap ketken eken. Máselen, «Mýzeıdegi tún: Qabirdiń qupııasy/"Noch v mýzee: Sekret grobnıtsy" fılminde ol tirilip ketetin eksponattardyń biri - Teodor Rýzvelttiń músininiń rólin somdaǵan. Basty rólde Ben Stıller oınaǵan bul kartınanyń túsirilim jumystary bıyl mamyr aıynda aıaqtalypty. Fılmniń tusaýkeseri AQSh-ta jeltoqsan aıynda ótip, Reseıde 2015 jyldyń qańtarynan bastap kórsetilmek.
Budan basqa ol "Eto, blın, rojdestvenskoe chýdo" atty komedııa men "Býlvar" fılmine túsken. Sondaı-aq, 2015 jyly jaryq kóretin "Vse, kak ty zahochesh" fılminde ıtti dybystaǵan. Al, "Mıssıs Daýtfaır" kartınasynda ol basty róldi somdaǵan, dep jazady Lenta.ru.
