Robert Garsııa: Men ekeýiniń de aıqasyn kórdim, Kanelo GGG-ti jeńedi
ASTANA. QazAqparat - Ataqty amerıkandyq jattyqtyrýshy Robert Garsııa EsNews-ke bergen suhbatynda qazaqstandyq boksshy Gennadıı Golovkınmen (36-0, 33 KO) meksıkandyq Saýl Alvares «Kanelonyń» (48-1-1, 34 KO) aıqasy jaıly pikirin bildirdi, dep jazady Sports.kz.
- Men ekeýiniń de aıqasyn kórdim, Kanello GGG-ten basym túsýi múmkin dep aıta alamyn. Eger jekpe-jek óter bolsa, men Kaneloǵa qoıamyn. Ol jyldam, al Golovkın ózine kóp soqqy jiberip alady,-dep málim etti Garsııa.
Golovkın - Kanelo aıqasy qyrkúıekke josparlanǵan. Bul týraly boksshylardyń promoýterleri - Tom Leffler men Oskar De La Hoııanyń aýyzsha kelisimderi bar.
