Robert Garsııa: Golovkın jasarmaıdy, al Kanelo aqyl toqtata bastady
ASTANA. QazAqparat - Tanymal bapker Robert Garsııanyń pikirinshe, Saýl «Kanelo» Alvares Gennadıı Golovkınmen jekpe-jekti keıinge qaldyryp, durys jasap jatyr, dep jazady Sports.kz.
«Golovkın óte kúshti ári myqty sportshy. Ol qazirgi tańda álemdegi pound-for-pound úzdik sportshylarynyń biri bolyp sanalady. Biraq, Kanelo áli jas. Ol Golovkınmen ótetin aıqasty kútip, durys jasap jatyr. Ońtaıly sát kelgende, ekeýiniń aıqasatynyna senimdimin. Alvarestiń GGG-dy utýyna múmkindigi jetkilikti dep oılaımyn. Múmkin, ótken jyly Golovkın Kanelo úshin kúshtirek bolǵan shyǵar, biraq ol jasaryp jatqan joq qoı, al Kanelo óte jas jáne parasat-paıymy keńeıýde», - dep aıtty Garsııa On the Ropes Radio-ǵa bergen suhbatynda.
