Rızabek Aıtmuhan jańa salmaqta el chempıony atandy

ASTANA. KAZINFORM — Taraz qalasynda ótip jatqan kúres túrlerinen U15 jáne U23 Qazaqstan chempıonaty jalǵasyn tabýda.

Búgin, 23 jasqa deıingi erler arasynda erkin kúresten 125 kg salmaqta jeńimpazdar anyqtaldy.

Álem chempıony jáne Azııa chempıony Rızabek Aıtmuhan bul jolǵy el chempıonatynda jańa salmaqta baq synady.

Qorytyndysynda, Rızabek aqtyq synda Álimjan Sálimjandy merziminen buryn jeńip, 125 keli salmaqta Qazaqstan chempıony atandy.

Osyǵan deıin habarlaǵanymyzdaı, Astanada grek-rım, erkin jáne áıelder kúresinen U17 jáne U20 jas arasyndaǵy Qazaqstan chempıonaty máresine jetti.

Sonymen qatar, Rızabek Aıtmuqan (97 keli) Qyrǵyzstan astanasy Bishkekte ótken halyqaralyq Super 4 Wrestling týrnırinde jeńimpaz atandy.