Rızabek Aıtmuhan UWW tańdaǵan úzdik 5 balýannyń qataryna endi
Erkin kúresten táýelsiz Qazaqstan tarıhyndaǵy tuńǵysh álem chempıony atanǵan balýanymyz Rızabek Aıtmuhan Búkilálemdik kúres uıymy (UWW) tańdaǵan úzdik bes balýannyń biri atandy, dep habarlaıdy Kazinform Ulttyq olımpıadalyq komıtettiń baspasóz qyzmetine silteme jasap.
Búkilálemdik kúres uıymy (UWW) áleýmettik jelide bolashaǵynan úmit kúttiretin úzdik bes balýandy erekshe atap ótken.
«Juldyzy endi janyp kele jatqan osy bes balýanǵa nazar salý kerek. Olardyń qaısysy Olımpıada medalin birinshi bolyp jeńip alady?», - delingen jazbada.
UWW uıymynyń úzdik balýandar tizbeginde erkin kúresten álem chempıony Rızabek Aıtmuhan, bahreındik Ahmed Tajýdınov, ázerbaıjandyq Hasrat Jafarov, japonııalyq Akarı Fýdjınamı men amerıkalyq Amıt Elordiń esimderi atalǵan.
Esterińizge sala keteıik, Rızabek Aıtmuhan jaqynda erkin kúresten qazaqtan shyqqan tuńǵysh álem chempıony. Ol Belgradta ótken álem chempıonatynda 92 keli salmaqta qarsylas shaq keltirmeı, jeńis tuǵyrynyń eń bıik satysynan kórindi.
Osyǵan deıin, Aıtmuhan olımpıadalyq salmaq 97 kelige aýysqanyn jazǵan bolatynbyz.
