Rızabek Aıtmuhan shırek fınaldyq beldesýde ózbek balýanyn qapy qaldyrdy
BІShKEK. KAZINFORM — Álem chempıony Rızabek Aıtmuhan Qyrǵyzstan astanasy Bishkekte bastalǵan kúresten Azııa chempıonatynyń jartylaı fınalyna shyqty.
Sportty damytý dırektsııasynyń málimetinshe, Qazaqstan ulttyq quramasynyń palýany 97 kelige deıingi salmaqtyń shırek fınalynda ózbekstandyq Mahsud Veısalovty jeńip, jartylaı fınalǵa ótti. Osyǵan deıin Rızabek alǵashqy beldesýinde qyrǵyz palýany Andreı Aronovty jeńgen (6-0) bolatyn.
Otandasymyzdyń kelesi qarsylasy - úndistandyq bozkilem sheberi bolmaq.
Aıta keteıik, Rızabek byltyr Astanada ótken sary qurlyq chempıonatynda kúmis medal alǵan. Fınalda japonııalyq sportshy Arash Ioshıdaǵa ese jibergen.
Eske sala keteıik, buǵan deıin úsh balýanymyz Azııa chempıonatyndaǵy alǵashqy beldesýinde jeńiske jetkenin jazǵan edik.
