Rızabek Aıtmuhan Islam oıyndarynda kúmis júldeger atandy

ASTANA. KAZINFORM – Qazaqstandyq balýan Rızabek Aıtmuhan erkin kúresten Er-Rııadta (Saýd Arabııasy) ótip jatqan Islam yntymaqtastyǵy oıyndarynda kúmisten alqa taqty.

Jerlesimiz 97 kelige deıingi salmaqta el namysyn qorǵady. QR UOK málimetinshe, Rızabek aqtyq synda ırandyq Amır Alı Azarpıramen kúresti. Tartysqa toly beldesýde Iran sportshysy 5:0 esebimen jeńiske jetti.

Al qazaqstandyq balýan jarysty ekinshi orynmen aıaqtady. Otandasymyz jarystan keıin bergen suqbatynda qarsylastary jaıly aıtty.

– Kúmis qolda, altyn jolda demekshi, jeńisime qýanyshtymyn. Qarsylastarymnyń eshqaısysy osal emes. Jalpy tórt beldesýdiń úsheýinde Olımpıada júldegerleri men jeńimpazdarymen kúrestim. Osyndaı jetistikke jetkenime qýanyshtymyn. Altyn medal alǵym keldi. Biraq alda áli talaı márte qazaq elin, otbasymdy jáne jankúıerlerdi qýantamyn degen úmittemin. Fınalda qarsylasym basymdyq tanytty. Oǵan qosa bir-eki kún buryn syrqattanyp qalǵan edim, biraq ony syltaý etkim kelmeıdi. Soǵan qaramastan bar kúsh-jigerimdi saldym. Aldaǵy ýaqytta ketken esemdi qaıtaramyn. Búgin buǵan deıin ózim jol bergen Ahmed Tajýdınov, Magomedhan Magomedovtan qarymta qaıtardym, - dedi Rızabek Aıtmuhan.

Buǵan deıin Rızabek Aıtmuhan Olımpıada chempıonyn aıqyn basymdyqpen jeńgenin jazǵan bolatynbyz.

Jibek Qulymbetova Islam oıyndarynda kúmis júldeger atandy.

Ajar Salyqova Islam yntymaqtastyǵy oıyndarynda kúmis medal enshiledi.

Marıan Jýravleva Islam yntymaqtastyǵy oıyndarynyń altyn medalin jeńip aldy.

Elmıra Syzdyqova áıelder kúresinen Islam oıyndarynda úshinshi oryn aldy.