Rızabek Aıtmuhan halyqaralyq týrnırdiń jartylaı fınalynda jeńilip qaldy

ASTANA. KAZINFORM - 20-22 jeltoqsan aralyǵynda Taraz qalasynda memleket jáne qoǵam qaıratkeri D.Qonaevty eske alýǵa arnalǵan erkin kúresten eresekter arasynda halyqaralyq týrnır bastaldy. Bul týraly Ulttyq olımpıadalyq komıtet málimdedi.

Jarysqa Qazaqstan, AQSh, Qyrǵyzstan, Avstralııa, Brazılııa, Ózbekstan, Reseı, Mońǵolııa jáne Qytaı elderiniń sportshylary qatysyp jatyr.

Týrnırdiń birinshi kúninde 57 keli, 65 keli, 74 keli, 86 keli jáne 97 kelide júldeler sarapqa salynady.

Saıystyń basty tańǵalarlyq oqıǵasy quramamyzdyń kóshbasshylarynyń biri Rızabek Aıtmuhannyń jeńilisi boldy. Jartylaı fınalda ol amerıkalyq Djonatan Aıelloǵa 9:12 esebimen ese jiberdi.

Aıta keteıik, osy salmaqtardaǵy fınaldyq kezdesýler 21 jeltoqsanda ótedi. Al 22 jeltoqsanda 61, 70, 79, 92 jáne 125 keli salmaq dárejelerinde jeńimpazdar men júldegerler anyqtalady.

Rızabek Aıtmuqan úsh dúrkin álem chempıony atanǵanyn jazǵan bolatynbyz.