Rızabek Aıtmuhan erkin kúresten Azııa chempıonatynyń fınalyna shyqty

ASTANA. KAZINFORM — Qazaqstan quramasynyń sportshysy Rızabek Aıtmuhan (97 keli) erkin kúresten Iordanııanyń astanasy Ammanda ótip jatqan Azııa chempıonatynyń fınalyna shyqty. Bul týraly UOK habarlady. 

Otandasymyz jartylaı fınalda ırandyq Mohammadmobın Azımımen beldesti. Tartysty ótken kezdesýde qazaqstandyq balýan 2:0 esebimen jeńiske jetti. 

Al, Rahat Qaljan 57 kelige deıingi salmaqta ırandyq Djahangır Valızadege 0:3 esebimen jol berdi. Endi ol qola medal úshin kúresedi. 

Aıta keteıik, fınaldyq básekeler Astana ýaqytymen 20:00-de bastalady.

Eske salsaq, buǵan deıin Iordanııa astanasy Amman qalasynda ótip jatqan Azııa chempıonatynda erkin kúresten qazaqstandyq balýandardyń qarsylastary anyqtalǵanyn jazǵan edik.