23:24, 07 Qyrkúıek 2024 | GMT +6

U20: Erkin kúres sheberi Rızabek Aıtmuhan álem chempıony atandy

Ризабек Айтмұхан еркін күрестен 20 жасқа дейінгі спортшылар арасында әлем чемпионы атанды — Фото: olympic.kz

ASTANA. KAZINFORM - Qazaqstandyq balýan Rızabek Aıtmuhan erkin kúresten 20 jasqa deıingi sportshylar arasynda álem chempıony atandy, dep habarlaıdy Olympic.kz.

97 kelige deıingi salmaqta synǵa túsken Rızabek fınalda ázerbaıjandyq Hetag Karsanovpen beldesti.

Eresekter arasyndaǵy álem chempıony sanalatyn Rızabek qarsylasyn merziminen buryn 10:0 esebimen jeńdi.

Aıta keteıik, týrnır barysynda Rızabek barlyq qarsylasyn aıqyn basymdyqpen utty.

Eske sala keteıik, Rızabek byltyr tamyzda 20 jasqa deıingi balýandar arasyndaǵy álem chempıonatynda 92 kg deıingi salmaqta kúmis júlde alǵan bolatyn.

Sondaı-aq, byltyr eresekter arasynda (92 keli) álem chempıony atanǵan.

Rızabek Aıtmuhan — erkin kúresten jastar jáne eresekter arasynda álem chempıonatynda top jarǵan alǵashqy qazaqstandyq balýan.

Tegter:

Ризабек Айтмұхан Еркін күрес Спорт

Сейчас читают