Rızabek Aıtmuhan eki dúrkin Olımpıada chempıonyna jol berdi
ASTANA. KAZINFORM — Qazaqstandyq balýan Rızabek Aıtmuhan Astanada ótip jatqan kúresten álem chempıonatyndaǵy alǵashqy beldesýinde jeńilis tapty.
QR UOK málimetinshe, erkin kúresten 97 kelige deıingi salmaqta el namysyn qorǵaǵan otandasymyz irikteý kezeńinde Olımpıadanyń eki dúrkin, álemniń alty dúrkin chempıony, Reseı ókili Abdýlrashıd Sadýlaevpen kezdesti.
Nátıjesinde Rızabek Aıtmuhan qarsylasyna 4:1 esebimen jol berdi.
Buǵan deıin Qazaqstan komandasynyń sportshysy, jazǵy Azııa oıyndary men Islam Yntymaqtastyǵy oıyndarynyń qola júldegeri Zeınep Baıanova kishi fınalda Eýropa chempıonatynyń qola júldegeri Natalıa Varakınamen kim myqtyny anyqtady. Nátıjesinde otandasymyz Belarýs ókilin aıqyn basymdyqpen utyp, 50 kg deıingi salmaqta úzdik úshtikti túıindedi.
