Rızabek Aıtmuhan Olımpıada chempıonyn aıqyn basymdyqpen utty
ASTANA. KAZINFORM – Búgin Saýd Arabııasynda ótip jatqan Islam yntymaqtastyǵy oıyndarynda erkin kúresten álem chempıony Rızabek Aıtmuhan fınalǵa shyqty.
Álem chempıony Rızabek Aıtmuhanov Magomedhan Magomedovtan (Ázerbaıjan) basym túsip, jartylaı fınalda Ahmet Tajýdınovqa eki ret ketken esesin qaıtardy, esep 15:3.
Aıta keteıik, Rızabek Aıtmuhan - eresekter arasynda erkin kúresten álem chempıony atanǵan tuńǵysh qazaq balýany. Ol bul ataqty 2023 jyly Belgradta ótken álem chempıonatynda 92 keli salmaq dárejesinde jeńip alǵan. Sonymen qatar 2024 jyly 20 jáne 23 jasqa deıingi álem chempıonattarynyń jeńimpazy.
Eske salsaq, Rızabek Aıtmuhan buǵan deıin Ahmed Tajýdınovpen eki márte kezdesip, ekeýinde de jeńilgen. Olar 2024 jyly Azııa chempıonatynda jáne «ıAshar Dogý» halyqaralyq týrnırinde jolyqqan edi. Dál osy Tajýdınov Parıj Olımpıadasynda qazaqstandyq balýan Álisher Erǵalıdy jarys jolynan yǵystyrǵan bolatyn.
Qazirgi tańda Rızabek kúrestiń eń tartysty sanalatyn 97 keli salmaq dárejesinde baq synap júr. Bul salmaq dárejesi – álemdik deńgeıdegi myqty palýandardyń naǵyz básekesi. Saýd Arabııasyndaǵy dodada da osy salmaqtyń tańdaýly sportshylary jınalǵan. Olardyń qatarynda Parıj Olımpıadasynyń chempıony Ahmed Tajýdınov (Bahreın), Olımpıadanyń qola júldegerleri Amıralı Azarpıa (Iran) jáne Magomedhan Magomedov (Ázerbaıjan) boldy.
Buǵan deıin Rızabek Aıtmuhan U23 sanatyndaǵy álem chempınatynyń qola júldegeri atanǵanyn jazǵanbyz.