«Rixos Khan Shatyr Residences» turǵyn úı keshenindegi órt: shyǵyn bıýdjet esebinen ótelmeıdi
ASTANA. KAZINFORM - 22 maýsym kúni «Rixos Khan Shatyr Residences» turǵyn úı kesheninen órt shyqqan bolatyn.
Astana qalasy ákimdigi ákimdik qurǵan komıssııa uıymdastyrý máselelerimen aınalysatynyn málimdedi. Órtten zaqym kelgen páterler men qasbetti jóndeý shyǵyny bıýdjet esebinen ótelmeıdi.
Komıssııa ǵımaratty ary qaraı paıdalaný boıynsha tehnıkalyq máselelerdi qaraıdy. Atalǵan úıde órt bolǵanyn eskersek, bul – tótenshe jaǵdaı, qala ákimdigi uıymdastyrýshylyq máseleler boıynsha kómek kórsetedi.
Aıta ketsek, keshe Astanada kópqabatty turǵyn úıdiń 26-qabatynan órt shyqty.
Órtengen úıden 8 adam kóshirilip, arnaıy shtab quryldy.
Sondaı-aq, agenttik tilshisi oqıǵa ornynan reportaj jasaǵan bolatyn.
Astana ákimi keshegi órtengen úıdi jóndep beremiz dep ýáde etti.
