«Rixos» qaıǵyly oqıǵa týraly aqparat taratýdan bas tartty
ALMATY. QazAqparat - «Rixos» qonaq úıi búgin otelde bolǵan qaıǵyly oqıǵa týraly aqparat taratýdan bas tartty, dep habarlaıdy QazAqparat tilshisi.
Qonaq úı ákimshiliginiń sózine súıensek, búgin otelde eshqandaı qaıǵyly oqıǵa bolmaǵan.
«Biz eshqandaı aqparat bere almaımyz, ǵımarattan ketińiz! Eshteńe bolǵan joq, shtattyq rejimde jumys jasap jatyrmyz», - dedi tirkeý bóliminen tilshimizge.
Oqıǵa ornynda «QazAqparat» tilshisi kýágerlerden mert bolǵan adamdy jedel járdem alyp ketkenin bildi. Aıta keteıik, «Rıksos» qonaq úıi mańynda qurylys jumystary júrgizilip jatyr. Kýágerler jedel járdem kóligi osy qurylys alańynan shyqqanyn aıtty.
Búgin tal túste Almatydaǵy «Rixos» oteliniń shatyrynan jumysshy qulap mert boldy. Bul týraly kýágerlerdiń biri habarlady.
