Rıvekka Jumaǵulova golften AQSh-taǵy týrnırdiń jeńimpazy atandy

ASTANA. KAZINFORM — AQSh-tyń Ulttyq stýdenttik atletıkalyq qaýymdastyq chempıonaty aıasynda Arızona shtatynda golften Bobcat Desert Classic týrnıri ótti. 

Sportty damytý dırektsııasy baspasóz qyzmetiniń málimetine súıensek, atalmysh jarysqa qazaqstandyq golf sheberi Rıvekka Jumaǵulova qatysyp, top jarǵan.  

Otandasymyz alǵashqy kezeńnen-aq sheberligimen kózge túsip, jarys qorytyndysy boıynsha -12 (66-67-71) upaı jınap, úzdik kórsetkish kórsetken.  

Eske sala keteıik, buǵan deıin 18 jastaǵy qazaqstandyq tennısshi Sonıa Jıenbaeva Túrkııadaǵy týrnırdiń jartylaı fınalyna shyqqanyn jazǵan bolatynbyz.

Sondaı-aq Tokıo qalasynda Bıllı Djın Kıng kýboginiń irikteý matchynda Japonııa 2:0 esebimen alǵa shyqqanyn habarladyq.