Rıshat pen Rashıd Haıbýllınder Qytaıdaǵy Azııa oıyndarynda qola júldege ıe boldy
ASTANA. KAZINFORM – Qazaqstan quramasy sporttyq quzǵa órmeleýden 2026 jylǵy jaǵajaıdaǵy Azııa oıyndarynyń ekinshi medalin jeńip aldy.
Qytaıdyń Sanıa qalasynda erler arasyndaǵy estafetalyq jarysta qola júlde sarapqa salyndy. Bul sporttyq básekede Qazaqstan atynan Rıshat Haıbýllın men Rashıd Haıbýllın juby Taıland quramasynyń sportshylaryna qarsy turdy.
Aǵaıyndy Haıbýllınder 11,98 sekýnd nátıjesimen jarystyń qola júldesin jeńip aldy.
Sonymen qatar Damır Toqtarov pen Ámir Maımuratov, sondaı-aq Tamara Ýljabaeva men Anna Balarshına jarysty shırek fınalda aıaqtady.
Esterińizge sala keteıik, quzǵa órmeleýden jekeleı synda Rıshat Haıbýllın úshinshi oryn alǵan bolatyn.
Sondaı-aq buǵan deıin quzǵa órmeleýden Qazaqstan quramasy pleı-off kezeńine shyqqanyn habarlaǵan edik.
