Rıshat Haıbýllın sporttyq quzǵa órmeleýden Álem kýbogy kezeńinde kúmis júldeger atandy

ASTANA. KAZINFORM — Qazaqstandyq sportshy Rıshat Haıbýllın sporttyq quzǵa órmeleýden Frantsııanyń Shamonı qalasynda ótip jatqan Álem kýbogy kezeńinde kúmis júldeger atandy. 

 Jalpy jyldamdyq baǵdarlamasy boıynsha Qazaqstan atynan segiz sportshy synǵa tústi. Jarystyń negizgi bólimine tek Rıshat Haıbýllın men Ámir Maımuratov shyqty. Rıshat fınalǵa deıin jetip, AQSh sportshysy Samýel Ýotsonǵa jol berdi.

Osylaısha kúmis medalǵa ıe boldy. Qola júlde taǵy bir amerıkalyq sportshy Zak Hammerge buıyrdy. Al Ámir Maımuratov irikteý kezeńinde ekinshi oryndy ıelendi.

Degenmen jarystyń negizgi bóliminde shırek fınalǵa deıin jetip, ıspanııalyq Erık Noıa Kardonaǵa ese jiberdi.