Rıshat Haıbýllın álem kýbogynda úzdik ondyqqa kirdi

ASTANA. KAZINFORM – Qytaıdyń Ýtszıan qalasynda quzǵa órmeleýden álem kýbogynyń kezeńi máresine jetti.

Sportty damytý dırektsııasynyń baspasóz qyzmeti málim etkendeı, Ulttyq qurama sapynan eń joǵarǵy nátıjeni Rıshat Haıbýllın kórsetti.

Ol «jyldamdyq» sanatynda irikteýden irkilmeı ótip, 8-oryn aldy. Munda Ámir Maımýratov 38-shi, Beknur Altynbekov 56-shy satyǵa turaqtady. Áıelder arasynda Tamara Oljabaeva 29-oryn aldy.

Barlyǵy jarysqa «qıyndyq» jáne «jyldamdyq» sanatynda 31 memleketten kelgen tańdaýly 235 sportshy qatysty.

Aıta keteıik, Rıshat qazir «jyldamdyq» sanatynda álem reıtınginde 2497.0 upaımen 11-orynda kele jatyr.