Rypakova men Qońqabaev Olımpıadada kıip shyqqan kıimin Ulttyq mýzeıge syılady
ASTANA. KAZINFORM — Qazaqstan ulttyq olımpıada komıteti 2020 jylǵy Olımpıadada tý ustaǵan sportshylardyń kostıýmin QR Ulttyq mýzeıine tabystady.
Bul — Halyqaralyq Olımpıada kúnin toılaý aıasyndaǵy alǵashqy is-shara.
Atalǵan kıim úlgisimen Tokıo Olımpıadasynyń ashylý saltanatynda Olımpıada oıyndary men bokstan álem chempıonatynyń júldegeri Qamshybek Qońqabaev jáne elimizdegi eń tanymal sportshy, jeńil atletıkadan Olımpıada chempıony Olga Rypakova Qazaqstan quramasyn bastap shyqqan bolatyn.
«Endi bul kostıýmderdiń Qazaqstan Ulttyq mýzeıiniń qoryna ótkeni qýantyp otyr. Óıtkeni mýzeıge kelgen árbir adam bizdiń eldiń Olımpııa oıyndaryna qatysý tarıhyna kóz júgirte alady. Halyqaralyq Olımpıada kúni qarsańynda óskeleń urpaqty olımpıadalyq sporttyq qozǵalysqa meıilinshe kóbirek tartýdyi mańyzyn aıtqym keledi», — deıdi Olga Rypakova.
Qazirgi ýaqytta murajaıda 654 kostıým bolsa, onyń 223-i — sportshylarǵa tıesili.
Olardyń qatarynda Jaqsylyq Úshkempirov, Dáýlet Turlyhanov, Serik Sápıev, Baqtııar Artaev, Aleksandr Vınokýrov, Denıs Ten jáne basqalardyń sport kıimderi bar.
