Rıodaǵy Olımpıada aldyndaǵy janjal: depýtattar Brazılııa prezıdentiniń otstavkasyn maquldady
ASTANA. QazAqparat - Brazılııada iri saıası daǵdarys órshidi. Parlamenttiń tómengi palatasy el prezıdenti Dılma Rýsefke qatysty ımpıchmentti maquldady. Endi túpkilikti sheshim parlamenttiń joǵarǵy palatasy - Senattyń qolynda, dep habarlady Vestı.rý.
Parlamenttegi daý bes saǵatqa jalǵasty - depýtattar bir-birin jáne prezıdentti sybaılas jemqorlyqqa, kórshilermen mámilege jáne eldegi bandıtızmge aıyptady. Kóshege 60 myńnan astam adam jınaldy: jasyl jalaý kótergen ımpıchment jaqtastary jáne qyzyl jalaýmen - olardyń qarsylastary. Olardy qoǵamdaǵy ekige jarylýshylyqtyń sımvoly - bir shaqyrymdyq qorshaý bólip turdy. Aqyrynda jasyldar jeńiske jetti: preıdenttiń otstavkasyn depýtattardyń basym bóligi jaqtady. Dılma Rýsef úkimettiń ekonomıkalyq esepterin burmalaýǵa kúdiktelýde: oǵan bıýdjet jetispestigin zeınetaqy qory esebinen tolyqtyrǵan degen kiná taǵylýda.
Al Dılma Rýseftiń ózi bul oqıǵany el tarıhyndaǵy iri alaıaqtyq jáne búlik shyǵarýǵa tyrysýshylyq dep ataıdy. Senattaǵy daýys berý mamyr aıyna belgilengen. Senatorlar da prezıdenttiń otstavkasyna daýys berýi múmkin, óıtkeni olardyń kópshiligi bıliktegi solshyl eńbekshiler partııasyna oppozıtsııalyq kóńil-kúıde. Brazılııada ekonomıkalyq retsessııanyń órshigen tusynda prezıdenttiń reıtıngsi rekordtyq 11 paıyzǵa deıin qulady, biraq ta qurmet saqtalyp qaldy.
Bolgarlyq ımmıgranttyń qyzy saıası mansabyn sotsıalıster qatarynda bastap, áskerı dıktatýramen Che Gevaranyń ádisimen kúresti, eki jyldyń ústinde túrmede otyrdy, 1980-shi jyldary brazılııalyq parlamenttegi kedeılerdiń basty qamqorshysy dep sanaldy. Amerıkandyq ulttyq qaýipsizdik qyzmetiniń adamdardyń ústinen izin baǵý júrgizgenin Snoýden áshkerelegennen keıin Rýsef Vashıngtonǵa qarsy iri saıası janjal shyǵardy, óziniń AQSh-qa saparynan jáne Obamamen saltanatty qonaǵasydan bas tartty. Bul qatynastardy qalpyna keltirýge eki jyl ketti. Sońǵy 100 jyldaǵy iri daǵdarys oryn alǵanyna qaramastan, álemniń jetinshi ekonomıkasymen yntymaqtastyqqa barlyǵy da múddeli, biraq ta Brazılııa ázirge BRIKS elderin tańdap otyr.
Halyqtyń turmysy tómen jikteri qazirgi bılikke ondaǵan áleýmettik baǵdarlamalary úshin qaryzdar. Bir ǵana kedeılerdi qoldaýdyń ózi 12 mıllıon otbasyn qamtıdy. Impıchmentti qoldaýǵa kóshege ázirge orta tap qana shyqty, Amerıkany jaqtaıtyn oppozıtsııa Halyqaralyq valıýta qory arqyly brazılııalyq ekonomıkalyq keremetke ýáde berýde. Al Vashıngtonǵa qarsy kedeıler kóshege shyqsa, elde «brazılııa kóktemi» nemese anarhııa bastalýy múmkin dep sanaıdy qazirgi prezıdent.
Impıchment qazirdiń ózinde úkimet jumysynyń bereketin keltirdi jáne nebári 4 aı ýaqyt qalǵan Rıo Olımpıadasyn ótkizýge zııanyn tıgizýi múmkin.
