Rıodaǵy dopıngke qarsy zerthana jumysy kem degende 6 aıǵa toqtatyldy
ASTANA. QazAqparat - Rıo-de-Janeırodaǵy dopıngke qarsy zerthana jumysy kem degende 6 aıǵa toqtatyldy, delingen Dúnıejúzilik dopıngke qarsy agenttik taratqan málimdemede, dep habarlady rsport.ru.
Jarysqa qatysý quqyǵynan aıyrý 22 maýsymda kúshine endi. Zerthana tıisti habarlama aldy. Ol 21 kúnniń ishinde Sporttyq tórelik sotynda sheshimge shaǵymdana alady. Sheshim habarlaǵan sátten bastap alty aı kúshinde bolady. Ýaqytsha shettetý zerthana úshin halyqaralyq standart boıynsha tártiptik keńes ázirleıtin usynymdar negizinde Rıo-de-Janeırodaǵy zerthanany yqtımal toqtatý nemese akredıtteýdi joıý boıynsha WADA atqarýshy komıteti tóraǵasynyń nemese WADA atqarýshy komıtetiniń sheshimine deıin kúshinde qalady.
Úlgiler sheshim qabyldaǵannan keıin 14 kúntizbelik kúnnen keshiktirmeı, WADA-nyń basqa akredıttelgen zerthanasyna jetkizilýi tıis. Taıaý ýaqytta tártiptik komıtet qurylady. Ol zerthana mártebesi boıynsha usynymdar beredi.
