Rıo Olımpıadasynyń júldegeri obyrǵa shaldyqqan balany qutqarý úshin medalin satty
ASTANA. QazAqparat - Polshalyq dıskobol, Rıodaǵy Olımpıadanyń júldegeri Petr Malahovskıı bássaýdada óziniń kúmis medalin satty, ol qarajatty aýrý balany emdeýge jumsamaq.
Medaldy satyp alýshy tabyldy, dep habarlady sportshy "Feısbýktegi" paraqshasynda. «Sáttilik», - dep jazdy ol.
Degenmen naqty somany atamady, alaıda BAQ medal 126 myń dollarǵa satylǵanyn habarlady.
Malahovskıı nagradasyn satatyny jaıly birneshe kún buryn habarlaǵan. Ol Olek atty balanyń anasynan onyń uly qaterli isikpen aýyratyny jaıly hat alǵanyn jazdy.
«Rıoda altynǵa talastym. Búgin barlyǵyńdy odan da qymbat qundylyqqa atsalysýǵa shaqyramyn», dep jazdy ol.
Petr Malahovskıı - 2015 jylǵy álem chempıony. Olımpıadalyq oıyndardyń eki dúrkin kúmis júldegeri, birinshi Olımpıadalyq kúmisin Beıjińde utqan.
