Rıo Olımpıadasyndaǵy Qazaqstan quramasynyń sońǵy balýany shırek fınalǵa shyqty

ASTANA. QazAqparat - Erkin kúresten 97 kelide óner kórsetetin Qazaqstan quramasynyń múshesi Mamed Ibragımov Rıodaǵy kezdesýin jeńispen bastady. Bul týraly 24.kz telearnasy habarlaıdy.

1/8 fınalda 27 jastaǵy qazaqstandyq Venesýela balýany Hose Danıel Dıas Roberttımen beldesken bolatyn. Alǵashqy mınýtta-aq 7:0 esebimen kósh bastaǵan jerlesimiz ekinshi kezeńde taǵy tórt upaı jınap, shırek fınalǵa aldyn ala joldama aldy. Jartylaı fınaldyń joldamasyna ol grýzın sportshysy Elızbar Odıkadzemen talasady.