Rıo Olımpıadasyn uıymdastyrý komıtetiniń basshysy tutqyndaldy
ASTANA. QazAqparat - 75 jastaǵy Karlos Artýr Nýzman 2016 jylǵy jazǵy Olımpıada oıyndarynyń astanasyn tańdaý kezinde tóreshilerdi satyp alǵany úshin qamaldy, dep habarlaıdy Elmundo.
Búgin Rıonyń ońtústiginde polıtseıler Brazılııa Ulttyq olımpıada komıtetiniń tóraǵasy jáne Olımpıada-2016 uıymdastyrý komıtetiniń basshysy qyzmetin qosa atqaryp júrgen Artýr Nýzmandy tutqyndady. Oǵan alaıaqtyq jasady degen aıyp taǵylýda.
Eske salaıyq, qyrkúıekte Brazılııa prokýratýrasy 2016 jylǵy Oıyndardy ótkizý ornyn tańdaý kezinde daýystardy satyp alýǵa qatysqany úshin Nýzmannyń aktıvterinen trıllıon realdy buǵattaǵan edi.
Tergeý ókilderiniń aıtýynsha, fýnktsıoner Brazılııada Olımpıada ótkizý quqyǵyn satyp alý úshin halyqaralyq deńgeıdegi kúrdeli jemqorlyq júıesin qoldanǵan.
