Rıo Olımpıadasyn uıymdastyrý komıtetindegi qarjy tapshylyǵy 120 mıllıon dollardan asyp ketti
ASTANA. QazAqparat - Rıo-de-Janeırodaǵy Olımpıada jáne Paralımpıada oıyndarynyń daıyndyǵymen aınalysatyn «Rıo-2016» uıymdastyrý komıtetindegi qarjy tapshylyǵy 400 mıllıonnan 500 mıllıon realǵa jetti (121-151 mln. dolar). Bul týraly saıys uıymdastyrýshylaryna jaqyn derekkózderge súıene otyryp, Reuters agenttigi habarlady.
«Biz qarjyny jetkizý úshin kóp nárseni qysqartýdamyz, biraq sonda da bıýdjetke saı kele alar emespiz», - degen uıymdastyrýshylardyń biri. Onyń aıtýynsha, qarjy tapshylyǵy somasy uıymdastyrý komıtetine bólingen jalpy somanyń 6%-yn quraıdy.
Rıo-de-Janeırodaǵy Olımpıada jáne Paralımpıada oıyndaryn ótkizýdiń jalpy bıýdjeti 40 mlrd. realǵa jýyq (12,12 mlrd. dollar). Bul qarajattyń úlken bóligi - 24,6 mlrd. real - qalanyń ınfraqurylymyn jaqsartýǵa jumsaldy. Taǵy 7 mlrd. real sport nysandaryn salýǵa ketti. «Rıo-2016» uıymdastyrý komıteti jeke ınvestorlardan 7,5 mlrd. real alǵan, dep jazdy TASS.
XXXI Olımpıada oıyndary 5-21 tamyz aralyǵynda ótedi. Bul Ońtústik Amerıkada uıymdastyrylǵan tuńǵysh Olımpıada. Paralımpıada 7-18 qyrkúıek kúnderi ótedi dep josparlanýda.
