Rıo-de-Janeırodaǵy Olımpıada aýylyna ákim saılandy
ASTANA. QazAqparat - Basketboldan Brazılııa quramasynyń oıynshysy, Álem chempıony Janet dýs Santýs Arkaın aldaǵy Rıo-de-Janeıroda ótetin Olımpıadaǵa jańa, erekshe sapada qatysady. Beısenbi «Rıo-2016» uıymdastyrý komıteti 47 jastaǵy burynǵy sportshyny Olımpıada aýylynyń meri etip saılady, dep habarlady TASS.
Olımpıada aýylynda jańa merdi saltanatty ulyqtaý rásimi 23 maýsymdaǵy Halyqaralyq olımpıada kúnine oraı ótti.
Rıo-de-Janeıronyń batys bóliginde ornalasqan Olımpıada aýylyna sportshylar bir aıdan keıin, 24 shildede kele bastaıdy. Mer retinde Arkaın oıyn qatysýshylary men merekeniń qurmetti qonaqtaryn qarsy alatyn bolady.
