Rıo-de-Janeırodaǵy dástúrli karnavalǵa daıyndyq bastaldy
ASTANA. QazAqparat - Brazılııanyń Rıo-de-Janeıro qalasynda dástúrli karnavalǵa daıyndyq bastaldy, dep habarlaıdy 24.kz.
Saltanatty shara ótetin arnaıy orynda bıshiler men dabyl qaǵýshylar jınaldy. Biraq bıyl shahardaǵy keı samba bı mektepteri qarjy tapshylyǵynan saıysqa qatysa almaıdy. Sebebi bir mekteptiń ózine karnavalda óner kórsetýi úshin birneshe mıllıon dollar kerek. Óıtkeni árqaısysy tól qoıylymy úshin myńnan astam adamdy tartýy múmkin.
Al bıyl karnaval qaýipsizdigin qamtamasyz etý úshin áskerıler jumyldyrylady. Shahar bıligi buny álemge áıgili sharanyń oqys oqıǵasyz ótýi úshin qajet ekenin aıtady. Sondaı-aq uıymdastyrýshylar bıylǵy karnavaldy kórýge 6 mıllıonnan astam adam keledi dep josparlap otyr.
«Keıbir samba mektepteriniń qarjy tapshylyǵynan daıyndyqqa kelip qatysa almaýy óte ókinishti. Olar endi shara ótetin arnaıy orynǵa kelip jattyǵýdyń ornyna óz ǵımarattarynda daıyndalýǵa májbúr»,-dedi jergilikti turǵyndardyń biri Lıýchııa Brıto.
