Rıo-de-Janeıroda reseılik stýdent óltirildi
ASTANA. 29 qyrkúıek. Qazaqparat - Brazılııanyń Rıo-de-Janeıro shtatynda reseılik stýdent óltirildi. Tanystary onyń 17 jastaǵy stýdent Sergeı Danshın ekenin tanydy, dep habarlady RBK.
Jas adamnyń denesin jergilikti turǵyn Marıka aýdanyndaǵy arnanyń mańynan tapty. Ol oqtan úsh ret jaralanǵan. Shamasy ony óltirý maqsaty tonaý bolmaǵan, óıtkeni aqshasyn, uıaly telefonyn jáne nesıelik kartasyn eshkim almaǵan.
Jergilikti polıtseıler S.Danshınniń tórt dosymen birge juma kúni keshte jergilikti bardyń birinde bolǵanyn anyqtady. Olardyń bári de keıin úıge oralǵan. Biraq ta S.Danshın belgisiz sebeppen jalǵyz ózi qaıtadan úıden shyǵyp ketken. Bul onyń arna jaǵasynda belgisiz jaǵdaıda qazaǵa ushyraýyna sebep bolǵan.
Reseıdiń Brazılııadaǵy elshiligine bolǵan oqıǵa habarlanǵan, jáne qazir elshlik tekserý barysyn qadaǵalaýda.
