Rıo-de-Janeıroda kóshe tártipsizdiginen 30-ǵa jýyq adam kóz jumdy
ASTANA. 26 qarasha. QazAqparat - Brazılııanyń arnaıy maqsattaǵy bólimshesi áskerı bólimshelermen birlesip Rıo-de-Janeıro oramdarynyń birinde esirtki mafııasyna qarsy keń kólemdi operatsııa júrgizdi.
Bandalarǵa tyıym salý úshin, tipti kóshelerge tankter ákelindi. Sońǵy aptada áskerlerdiń qolynan qylmystyq klandardyń 30-ǵa jýyq adamy kóz jumǵanyn eske salamyz, dep habarlaıdy "Vestı.rý" portaly.
Bitpeıtin dańǵaza aıǵaı-shý, joldarǵa bóget qoıyp tastaý úırenshikti ádetke aınalǵan, al búgin qalaǵa tankter kirdi.
Bári senbi kúni bastaldy. Resmı derekkózderi, polıtsııa esirtki mafııasynyń qaramaǵyndaǵy aýmaqty baqylaýǵa alýǵa tyrysqanyn aıtady. Qalanyń áp-sátte astań-kesteńi shyqty. Bandalar joldy bógep jatyr, avtokólikterdi órtep, jappaı tonaýshylyq jasaýda. Qarsylyq kórsetken turǵyndar aıaýsyz óltirilýde. Qurbandardyń kóbisi - kezdeısoq júrginshiler.
