Rıo-de-Janeıroda karnaval jeńimpazy anyqtaldy
ASTANA. Aqpannyń 18-i. QazAqparat - Rıo-de-Janeıroda aqpannyń 17-sinde Brazılııanyń osy qalasynda jyl saıyn ótetin karnavaldyń jeńimpazy atanǵan úzdik samby mektebi jarııalandy,
dep habarlaıdy QazAqparat Lenta.Rý saıtyna silteme jasap.
«Ýnıdýs-da-Tıjýka» (Unidos da Tijuca) samby mektebi - Brazılııadaǵy eń baıyrǵy mektepterdiń biri - 2010 jylǵy karnavaldyń jeńimpazy atandy.
«Ýnıdýs-da-Tıjýka» jurtshylyqtyń jáne qazylardyń nazaryna adamzat tarıhyndaǵy qupııa jáne jumbaq oqıǵalar týraly «Tylsym» degen ataýmen erekshe baǵdarlamany usyndy. Baǵdarlama barysynda bıshiler sıqyrshy-alhımıkterdi, 1920-synshy jyldardaǵy amerıkandyq gangsterlerdi, Betmen komıksteriniń keıipkerlerin jáne marqum «pop-mýzyka koroli» Maıkl Djeksondy beıneledi. Óz ónerlerin kórsetý kezinde mektep músheleri Troıan aty, Aleksandrııa kitaphanasy jáne Semıramıda aspaly baǵy, Súleımen patsha jáne Atlantıda týraly «áńgimeledi».
