Rıo-de-Janeıroda karnaval bastaldy
ASTANA. 5 naýryz. QazAqparat - Juma kúni Rıo-de- Janeıroda karnaval bastaldy. Brazılııalyqtardy onsyz kóz aldymyzǵa elestete almaıtyn bul shara ǵalamshardaǵy eń jarqyn mereke bolyp tabylady.
Rıo meri qalanyń kiltin karnaval monarhyna - arnaıy saılanǵan Mom patshaǵa resmı tabys etti, dep habarlady ITAR-TASS agenttigi.
Mom patsha karnaval kezinde ǵana qalany basqarady. Jáne ol barsha halyqqa tek oınap-kúlýge ǵana buıryq beredi.
Karnavaldyń basty oqıǵasy - samba bıi mektepteriniń sherýi. Karnavaldy tamashalaý úshin Brazılııaǵa bul kúnderi álem elderinen 760 myńdaı týrıst kelip otyr.
